Прэзідэнт Украіны Уладзімір Зяленскі 20 траўня прыбыў з візітам у Японію, дзе праходзіць саміт «Вялікай сямёркі». Пра гэта паведамляе CNN.
У горадзе Хірасіма ўкраінскі прэзідэнта сустрэнецца з лідарамі дзяржаў «Вялікай сямёркі» – Нямеччыны, Вялікай Брытаніі, ЗША, Канады, Францыі, Італіі і Японіі.
«Японія. G7. Важныя сустрэчы з партнёрамі і сябрамі Украіны. Бяспека і ўзмацненне супрацы для нашай перамогі. Сёння мір стане бліжэйшым», – напісаў Уладзімір Зяленскі ў тэлеграм.
Прэзідэнт Украіны скіраваўся ў Японію на вайсковым самалёце ЗША з гораду Джыда (Саудаўская Аравія), дзе ён выступіў на саміце Лігі арабскіх дзяржаў.
Чакаецца, што на саміце прэзідэнт ЗША Джо Байдэн абвесціць пра новы пакет вайсковай дапамогі Украіне на суму $ 375 млн.
Якуб Хруст belsat.eu