Па выніках мінулага года валавы ўнутраны прадукт Беларусі скараціўся на 4,7 % у супастаўных цэнах у параўнанні з 2021 годам. Пры гэтым чыноўнікі планавалі рост беларускай эканомікі.
ВУП Беларусі летась склаў Br 191,37 млрд, але гэта на 4,7 % менш у супастаўных цэнах у параўнанні з 2021 годам. Паводле Белстату, практычна ўсе галіны эканомікі паказалі падзенне.
У 2022 годзе ўрад Беларусі планаваў рост эканомікі ў межах 2,9 %.
Сёлета ўлады Беларусі запланавалі рост валавога ўнутранага прадукту на 3,8 % да ўзроўню 2022 года, рэальных грашовых даходаў насельніцтва – на 4,1 %, экспарту тавараў і паслуг – на 5,5 %. Акрамя таго, запланаванае запаволенне інфляцыі да ўзроўню 7–8 %. Эксперты Сусветнага банку лічаць, што ў 2023 годзе ВУП Беларусі скароціцца на 2,3 %.
Алена Аляксандрава belsat.eu