Аляксандр Лукашэнка прызначыў новага камандуючага ВПС і войскамі СПА – палкоўніка Андрэя Лук’яновіча. Да гэтага ён займаў пасаду начальніка авіяцыі. Пра гэта паведамляе БелТА.
Андрэй Лукʼяновіч – вайсковы лётчык-снайпер, 10 гадоў узначальваў 50-ую змешаную авіяцыйную базу ў Мачулішчах. Ужо шмат гадоў менавіта ён закрываў паветраныя парады, а ў 2020 і 2021 гадах браў удзел у транспартаванні вакцыны з Кітаю. Ягоны старэйшы сын таксама лётчык, толькі цывільны.
У лістападзе папярэдняга камандуючага ВПС і войскамі СПА Ігара Голуба вызвалілі ад пасады.
Таксама сёння назначылі міністра замежных справаў.
Нагадаем: на даручэнне Лукашэнкі 13 снежня ў Беларусі пачалі раптоўнае правяранне боегатовасці ўзброеных сілаў. Беларускае войска забавязалі найбліжэйшым часам вылучыцца ў прызначаныя раёны, забяспечыць ахову і абарону на месцы ды навесці пераправы праз Бярэзіну і Нёман. Запланаваныя абмежаванні ў перасоўванні грамадзянаў і транспарту ў асобных раёнах.
Чытайце па тэме:
Алена Рувіна belsat.eu