Пракуратура Заводскага раёну Менску праверыла прадпрыемствы, дзе працавалі студэнцкія атрады, і знайшла парушэнні, у тым ліку ў сферы аховы працы. Пра гэта паведамілі ў Генпракуратуры.
Па інфармацыі ведамства, адна з кампаній не выдавала студэнтам рэспіратары пры выкананні фарбавальных прац. Акрамя таго, адсутнічалі санітарна-бытавыя памяшканні (гардэробныя).
Таксама пры працы ў памяшканні з узроўнем шуму вышэй за 70 дБА працадаўца не забяспечваў працоўным студэнтам 15-хвілінныя перапынкі праз кожныя 45 хвілін працы.
Пасля праверкі кіраўнікам двух прадпрыемстваў былі вынесены прадстаўленні. Выяўленыя недахопы былі ліквідаваны, а вінаватыя – прыцягнуты да дысцыплінарнай адказнасці, паведамляе Генпракуратура.
Алена Рувіна belsat.eu