Медыя праект KYKY, які існуе з 2010 года і займаў нішу гарадскога онлайн часопісу ў Менску, праз праблемы з фінансаваннем прыпыняе працу сайта. Інфармацыю пра гэта «Белсату» пацвердзіў ужо былы рэдактар KYKY Віктар Малішэўскі.
Паводле Віктара Малішэўскага, частка журналістаў застаецца ў праекце, працягне працу Instagram і TikTok выдання, але сайт вымушана «ставіцца на паўзу».
«Мы перафарматоўваемся і працуем у новым фармаце», – заявіла Саша Раманава, суўласніца KYKY.
Пасля выбараў 2020 года рэдакцыя KYKY, як і большасць незалежных медыяў, была вымушаная пакінуць Беларусь.
Сузаснавальнік KYKY бізнесовец Аляксандр Васілевіч быў асуджаны за ўхіленне ад выплаты падаткаў (ч. 1 арт. 243 КК) да 3 гадоў калоніі. Ён быў прызнаны палітвязнем, пасля суду выехаў з Беларусі.
Цягам апошніх месяцаў шэраг беларускіх медыяў звярнуліся да сваіх чытачоў з просьбай аб фінансавай дапамозе.
AA belsat.eu
