У лесе пад Гайнаўкай, што недалёка ад мяжы з Беларуссю, знайшлі труп жанчыны, перадае агенцтва PAP. Ейную асобу высвятляюць.
Інфармацыю пра мёртвую жанчыну паліцыя атрымала сёння раніцай. Цела заўважылі ў лесе каля Гайнаўкі – гораду ў 20 кіламетрах ад Беларусі.
Як паведамілі ў Падляскай паліцыі, на месцы здарэння працуюць следчыя і эксперты:
«Супрацоўнікі паліцыі пад кіраўніцтвам пракурора збіраюць доказы і ўстанаўліваюць усе абставіны».
Ці была жанчына мігранткай, не ўдакладняцца. Ейную асобу пакуль не высветлілі.
Раней пра трупы мігрантаў каля мяжы неаднаразова паведамлялі беларускія ўлады. У гібелі людзей афіцыйны Менск вінаваціць польскіх сілавікоў, якія нібыта выпіхваюць уцекачоў на тэрыторыю Беларусі праз брамкі ў агароджы на мяжы.
Сяргей Крот belsat.eu
