«Будуць парушаныя правы тысяч беларусаў». У ААН заклікалі перагледзець скандальны ўказ аб пашпартах
Управа вярхоўнага камісара ААН у справе правоў чалавека папярэдзіла, што забарона на выдачу пашпартоў за мяжою парушыць правы тысяч беларусаў у выгнанні. «Заклікаем перагледзець указ згодна з міжнароднымі стандартамі», – заявілі ў арганізацыі.
Адно з правоў беларусаў у выгнанні, што будзе парушацца, – права на свабоду перасоўвання, адзначыла Управа вярхоўнага камісара ААН у справе правоў чалавека, рэагуючы на «пашпартны ўказ» Лукашэнкі:
«Указ аб забароне выдаваць і падаўжаць пашпарты пагражае парушэннем правоў тысяч беларусаў у выгнанні. Ніхто не павінен адчуваць сябе вымушаным вярнуцца і зазнаваць рызыку пераследу. Мы заклікаем перагледзець указ згодна з міжнароднымі стандартамі».
Цяперашнія ўлады прыпынілі працэдуру выдавання і падаўжэння пашпартоў у дыпламатычных прадстаўніцтвах. Акрамя таго, указ Лукашэнкі забараніў беларусам распараджацца нерухомасцю і аўтамабілямі на падставе даверанасцяў, аформленых за мяжою.
Сяргей Крот belsat.eu
