Згодна з падпісанай прэм’ер-міністрам пастановай, 22 красавіка ў Беларусі адбудзецца рэспубліканскі суботнік, пра гэта паведамляе прэсавая служба Саўміну.
Прэмʼер-міністр Беларусі Раман Галоўчанка падпісаў пастанову ў справе правядзення традыцыйнага суботніка. Мерапрыемства адбудзецца 22 красавіка. Грошы, якія заробяць на суботніку людзі, пойдуць на рэканструкцыю мемарыяльнага комплексу вязням Азарыцкага лагера смерці ў Калінкавіцкім раёне Гомельскай вобласці, другая частка пойдзе на стварэнне рэспубліканскага цэнтру патрыятычнага выхавання моладзі на базе Кобрынскага ўмацавання Берасцейскай крэпасці.
Суботнікі ў Беларусі чыноўнікі ладзяць штогод. Мерапрыемства падобнае да тых, што былі ў савецкія часы. Людзі мусяць бясплатна працаваць. Самое мерапрыемства мае прымусовы характар, асабліва для працаўнікоў бюджэтнай сферы.
Алена Аляксандрава belsat.eu
