Надзвычайнае здарэнне адбылося ўчора, 8 жніўня, у роце, стала дыслакаванай у Горадні. Выезд у іншую вобласць быў звязаны з вайсковымі вучэннямі, паведамляе BYPOL.
Салдат мусіў ахоўваць вайсковыя аб’екты ў Лунінцы, аднак пры змене варты а 17-й гадзіне яго на месцы не было. Цела з агнястрэльным раненнем галавы знайшлі праз паўтары гадзіны ў лесе. Імаверна, ён скончыў жыццё самагубствам.
Загінулы служыў на кантракце ў роце 250-га асобнага батальёну аховы і абслугоўвання штабу Заходняга аператыўнага камандавання ў Горадні (вайсковая частка 97035).
Міністэрства абароны пакуль не паведаміла пра здарэнне.
Паводле звестак BYPOL, гэта ўжо пятая «ахвяра вучэнняў» за апошнія некалькі месяцаў. Так, у мінулым месяцы вайсковец загінуў ад агнястрэльнага ранення падчас баявога рыхтавання.
Алена Рувіна belsat.eu