Схуднелы Саакашвілі ў судзе і лагер для вагнэраўцаў у Беларусі. Галоўныя падзеі ў здымках

Людзі ў касцюмах вітаюць удзельнікаў 5-га этапу 110-й велагонкі Tour de France 2023 .

Мужчына выгульвае сабаку каля вырваных з коранем дрэў пасля шторму ў Гаарлеме, Нідэрланды.

Людзі, апранутыя ў чырвоную тканіну, пратэстуюць супраць жорсткага абыходжання з жывёламі перад пачаткам фестывалю Сан-Фермін у Памплёне, Іспанія.

Людзі жэстыкулююць і скандуюць лозунгі падчас жалобы па загінулым падчас сутыкненняў, якія адбыліся ў межах ізраільскай ваеннай аперацыі ў Джэніне. Ізраільскія вайскоўцы пачалі рэйд на лагер уцекачоў у Джэніне раніцай 3 ліпеня, падчас якога былі забітыя 12 палестынцаў і адзін ізраільскі жаўнер.

Чэмпіён свету Джоўі Чэстнат удзельнічае ў чэмпіянаце з’ядання хот-догаў «Nathan’s Famous Fourth» – 2023 у Нью-Ёрку, ЗША.

Схуднелы і моцна знясілены экс-прэзідэнт Грузіі Міхэіл Саакашвілі нават у вязніцы падчас судовага слухання па справе аб гвалтоўным разгоне масавых антыўрадавых пратэстаў у 2007 годзе ў Тбілісі, Грузія.

Жанчына падчас цырымоніі пахавання ўкраінскай пісьменніцы Вікторыі Амэліны, якая памерла ў шпіталі. Аўтарка стала ахвярай расейскага ракетнага ўдару па цэнтры Краматорску 4 ліпеня 2023 года.

Затрыманне актывіста «Just Stop Oil» на корце падчас матчу першага раўнду «Wimbledon».

Украінскі вайсковец 10-й штурмавой брыгады «Эдэльвейс» страляе з гарматы Д-30 у бок расейскіх пазіцый на лініі фронту недалёка ад Бахмуту, Украіна.

7 ліпеня намётавы лагер разбіты на закінутай вайсковай базе каля вёскі Цэль Асіповіцкага раёну паказалі журналістам. Памочнік міністра абароны Беларусі Леанід Касінскі сцвердзіў, што лагер разгарнулі «для трэнавання вайскоўцаў і тэрабароны», а не канкрэтна для вагнэраўцаў. Больш фота тут.

Пажарныя танчаць падчас перапынку. Некалькі краін, уключаючы краіны Паўднёвай Афрыкі, накіравалі сваіх пажарных у Канаду на дапамогу ў барацьбе з распаўсюджанымі ляснымі пажарамі. Фокс-Крык, Канада.

Буслы над падпаленым полем блізу гораду Снігурыўка ў Мікалаеўскай вобласці.