На дарогах у Гомлі перасоўваецца «Z-мабіль», які парушае правілы дарожнага руху. Акрамя таго, піша выданне «Флагшток», акцыю з аўтамабілем можна расцэньваць, як пікетаванне. Але сілавікі і ДАІ на гэта не звяртаюць увагі.
На дарогах Гомля ездзіць аўтамабіль з налепкамі «Z», «сармат-мабіль», а на даху машыны паставілі макет ракеты з надпісам «Вярнуць палётныя заданні на Вашынгтон».
Вядома, што гаспадар гэтага аўтамабіля – грамадзянін Расеі, ён сам з Татарстану. Мужчына з’яўляецца актывістам пракрамлёўскай арганізацыі НОД, ён імкнецца прыцягнуць да сябе ўвагу і ставіць машыну на пляцах Гомля.
Налепкі з ваеннай агітацыяй і негабарытны макет ракеты не перашкаджаюць яму ездзіць па дарогах, працаўнікі ДАІ яго не заўважаюць.
Алена Аляксандрава belsat.eu