Аляксандр Лукашэнка 8 траўня прыляцеў у Маскву. Пра гэта паведамляе тэлеграм-канал «Пул первого».
Візіт Аляксандра Лукашэнкі ў Маскву не афішаваўся да апошняга моманту. Хоць пра вылет самалёту Лукашэнкі стала вядома з паведамлення праекту «МотолькоПомоги».
Лукашэнка, паводле афіцыйных паведамленняў, прыме ўдзел у парадзе Перамогі на Краснай плошчы 9 траўня. Таксама ў мерапрыемстве прымуць удзел Уладзімір Пуцін, прэм’ер-міністр Арменіі Нікол Пашыньян, прэзідэнт Казахстана Касым-Жамарт Такаеў, прэзідэнт Таджыкістана Эмамалі Рахмон, прэзідэнт Узбекістана Шаўкат Мірзіёеў і прэзідэнт Кыргызстану Садыр Жапараў. Свой удзел не пацвердзіў кіраўнік Туркменістану Сердар Бердымухамедаў.
Урачыстасці ў Менску праз раптоўны візіт Лукашэнкі ў Маскву перанеслі на вечар. Ускладанне кветак на плошчы Перамогі адбудзецца а 19 гадзіне 9 траўня.
Алена Аляксандрава belsat.eu
