У Беларусі адбыўся рост продажу новых аўтамабіляў, але пры гэтым паказнік дагэтуль моцна адстае ад 2022 года. Пра гэта паведамілі ў аўтамабільнай асацыяцыі БАА.
У сакавіку колькасць новых легкавых аўтамабіляў, прададзеных у Беларусі чальцамі БАА, вырасла на 27 % і склала 1202 аўтамабілі. Але падзенне абʼёму продажаў у першым квартале 2023 года ў параўнанні з аналагічным перыядам 2022-га склала 80 %.
У БАА адзначылі зʼяўленне на беларускім рынку новых брэндаў і мадэляў аўтамабіляў, але попыт на новыя аўты дагэтуль перавышае прапанову.
Лідарам рынку ёсць марка «Geely», на яе прыпадае 72 % продажаў новых легкавых аўтамабіляў.
Іншыя фізічныя і юрыдычныя асобы ў першым квартале 2023 года на ўнутраным рынку Беларусі прадалі не менш як 250 новых легкавікоў пераважна прэміум-сегменту (BMW, «Lexus», «Land Rover», «Toyota», «Mercedes»).
Якуб Хруст belsat.eu
