З Беларусі ў Расею вярнуліся тры МіГ-31К Узброеных сілаў Расеі, што заставаліся ў нашай краіне больш чым сто дзён, паведамляе маніторынгавая група «Беларускі Гаюн».
Знішчальнік Міг-31К. Крыніца: golosameriki.com
У Беларусі знішчальнікі былі з 13 снежня мінулага года – усяго 113 дзён. Раней тры МіГі прыляталі 16 кастрычніка 2022 года і прабылі ў Беларусі 46 дзён.
За гэты час МіГ-31К здзейснілі 39 вылетаў:
- снежань (з 13 снежня) – 8 вылетаў;
- студзень – 11 вылетаў;
- люты – 9 вылетаў;
- сакавік – 10 вылетаў;
- красавік – 1 вылет.
Вядома, што ў аднаго са знішчальнікаў МіГ, які пакінуў Беларусь 6 красавіка, 25 снежня загарэўся рухавік на аэрадроме ў Мачулішчах.
Акрамя гэтага, 6 красавіка ў Расею таксама вярнуліся два знішчальнікі Су-30 ВКС РФ, што дыслакаваліся на аэрадроме ў Баранавічах.
Hавiны
«Беларускі Гаюн»: пашкоджаны А-50 з Мачулішчаў ляцеў на рамонт у Расею на мінімальнай вышыні
2023.03.03 19:29
Алена Рувіна belsat.eu
