Выданне «Народная Воля» апублікавала фотаздымак дэмантажу помніку Ларысе Геніюш у Зэльве. Бюст з пастаменту знялі людзі ва ўніформе камунальнікаў.
Чыноўнікі, праваслаўная царква да гэтага часу не паведамляюць, куды знік помнік Ларысе Геніюш у Зэльве. Бюст таемна знік з пастаменту 30 сакавіка. Выданне «Народная Воля» атрымала фотаздымак з дэмантажу помніка. Яго дэмантавалі людзі ва ўніформе камунальнікаў.
Вядома, што помнік належыць праваслаўнай царкве. Чыноўнікі з зэльвенскага райвыканкаму раней паведамлялі, што не маюць намеру дэмантаваць помнік Ларысе Геніюш. Інфаспецназаўка з Горадні Вольга Бондарава раней выступіла з патрабаваннем дэмантаваць гэты помнік, але мясцовыя ўлады не падтрымалі ейнай ініцыятывы.
Алена Аляксандрава belsat.eu