Падчас школьнай лінейкі ў гімназіі №1 Наваполацку 1 верасня затрымалі дзяўчыну, якая выйшла на антываенную акцыю падчас выступу вайскоўцаў.
Як паведамляе Youtube-канал «Stranaforlife», на лінейцы было выступленне людзей у вайсковай форме пад чырвоным сцягам з літарай «V», гучалі гукі стрэлаў, што палохала дзяцей. Адна дзяўчына выйшла да выступоўцаў з паднятымі ўверх рукамі са знакам «Victory».
Пасля гэтага дзяўчына была затрыманая міліцыяй, яе павялі ў невядомым накірунку.
Сыходзіла дзяўчына пад апладысменты людзей.
Алена Рувіна belsat.eu