У тым выпадку, калі на Запарожскай АЭС здарыцца выбух, тэрыторыя вакол станцыі будзе забруджаная цэзіем, што трэба будзе стварыць зону адчужэння, падобную як у Чарнобылі. А рэха выбуху адгукнецца ў пяці еўрапейскіх краінах.
З такой ацэнкай выступіла міжнародная арганізацыя «Дактары свету па перадухіленні ядравай вайны» (IPPNW).
Падчас прэс-канферэнцыі, якая адбылася ў Вене, яны прадставілі навуковую мадэль магчымага ўплыву выбуху на Запарожскай АЭС на ўсю планету.
Згодна з вылічэннямі аўстрыйскага атамшчыка Нікалаўса Мюльнера з Венскага ўніверсітэту прыродных рэсурсаў, пасля выбуху тэрыторыя вакол станцыі радыусам 20–30 кіламетраў будзе настолькі забруджаная цэзіем, што гэта будзе патрабаваць стварэння зоны адчужэння як у Чарнобылі.
Выбух таксама можа пагражаць з верагоднасцю 1–3% такім краінам, як Польшча, Славакія, Чэхія, Венгрыя і Румынія. У той жа час, адзначалася падчас прэс-канферэнцыі, пагрозы для Нямеччыны не назіраецца ні пры якім сцэнары.
Нагадаем, што 23 ліпеня з’явілася інфармацыя аб тым, што эксперты Міжнароднага агенцтва атамнай энергіі (МАГАТЭ) знайшлі супрацьпяхотныя міны на перыферыі пляцоўкі Запарожскай АЭС. Міны былі знойдзеныя ў буфернай зоне паміж унутранымі і вонкавымі агароджамі на перыметры станцыі.
26 ліпеня міністр энергетыкі Украіны Герман Галушчанка зрабіў заяву аб тым, што расейскія акупанты поўнасцю адключылі ўкраінскі бок ад маніторынгу сітуацыі на АЭС, у сувязі з чым у Мінэнерга ўпэўненыя, што выбух на станцыі можа адбыцца ў любы момант.
Раман Шавель belsat.eu
