Украіна ўвяла ў дзеянне новы пакет санкцыяў супраць кампаніяў і фізічных асобаў з Беларусі, Грузіі і Расеі. У спіс трапілі шэсць юрыдычных і дзве фізічныя асобы з Беларусі. Усе яны звязаныя з вайскова-прамысловым комплексам.
1 ліпеня прэзідэнт Украіны Уладзімір Зяленскі падпісаў указ № 364/2023, якім набывае моц пастанова Рады нацыянальнай бяспекі і абароны Украіны ад 1 ліпеня 2023 года «Аб прымяненні і ўнясенні змяненняў да персанальных спецыяльных эканамічных і іншых абмежавальных мерапрыемстваў (санкцыяў)». Дакументам уводзяцца санкцыі тэрмінам на 10 гадоў супраць фізічных і юрыдычных асобаў з Расеі, Беларусі і Грузіі.
Пад персанальныя санкцыі трапіў генеральны дырэктар ААТ «Менскі механічны завод імя С. І. Вавілава» Аляксандр Мароз і навуковец у галіне лазернай фізікі і прыборабудавання НАН Беларусі Аляксей Шкадарэвіч. У санкцыйным спісе – 6 кампаніяў з Беларусі:
Усе гэтыя асобы і кампаніі маюць дачыненне да вайскова-прамысловага комплексу Беларусі. Напрыклад, завод «Дыяпраектар» выпускае прыцэльныя сістэмы і прыборы начнога бачання, што выкарыстоўваюцца расейскай арміяй.
Антон Тачняк belsat.eu