У Кобрыне аўтобус перакуліўся ў канаву ноччу 1 красавіка. Тэлеграм-канал, які набліжаны да сілавікоў, паведамляе, што за рулём быў нецвярозы 38-гадовы мясцовы жыхар.
«Яму, як майстру рамонце, пакінулі аўтобус для ліквідацыі непаладак», – піша тэлеграм-канал.
Аднак мужчына вырашыў пакатацца на аўтобусе і трапіў у кювет. Адзначаецца, што ў яго не было правоў, а з месца здарэння ён уцёк.
Калі кобрынца ўсё ж знайшлі і правялі тэст на алкаголь, у крыві апынулася 1,7 праміле.
У дачыненні да яго распачатая праверка.
Арсен Рудэнка belsat.eu