У эфіры праграмы «Размова Калінкінай» палітычны аглядальнік і медыйны эксперт Паўлюк Быкоўскі зазначае, што сёння ўкраінцы яшчэ не вызначыліся з тым, каго выбралі на пасаду кіраўніка дзяржавы: персанажа тэлесерыялу, якога сыграў Уладзімір Зяленскі, ці чалавека з моцным палітычным патэнцыялам. Пры гэтым можна адназначна заяўляць, што каманда Зяленскага сапраўды ведае сваю справу і выглядала значна больш моцна, чымся каманда Пятра Парашэнкі.
«Тут спрацавала прыкладна тое самае, што і ў 1994 годзе на двубоі Кебіча і Лукашэнкі. Кебіч казаў, што існуюць праблемы з працаю заводаў, а Лукашэнка – «Я запушчу заводы». – «Як запусціш?». – «Я ведаю як». Не патрабавалася адказу, бо гэта было, хутчэй, шоу і людзі хацелі пачуць, што заводы будуць запушчаныя. Спадар Зяленскі рабіў нешта падобнае».
Глядзіце поўную версію праграмы «Размова Калінкінай» з палітычным аглядальнікам і медыйным экспертам Паўлюком Быкоўскім, прымеркаванай да інаўгурацыі новага прэзідэнта Украіны.