Кіраўніка суполкі «Это Минск, детка!» Яўгена Малахоўскага выклікалі нібы да міліцыянтаў, але аказалася, што гэта не толькі міліцыянты, але, магчыма, і супрацоўнікі спецслужбаў. Новая форма ціску на блогераў.
– Чаму вашая суполка выклікае такую зацікаўленасць?
– Мы асвячаем шматлікія падзеі, у тым і пратэсты, і апазіцыйныя падзеі, якія адбываюцца ў Беларусі. Гэта другі раз, калі мяне спрабуюць вызваць на гэты адрас. Супрацоўнік, які не прадставіўся, сказаў: мой супрацоўнік ужо пытаўся з вамі дамовіцца, але вы не пайшлі на кантакт, таму мы выклікалі вас ізноў, але па іншай тэме.
– Як вы лічыце, гэтая сітуацыя адбылася персанальна з вамі, ці пачалася масавая зачыстка ўсіх блогераў?
– Не думаю, што гэта масавая зачыстка блогераў, але магчыма спроба памацаць, спроба ўзяць нейкую інфармацыю, хто за чым стаіць, хто чым кіруе, хто пра што піша. Таму што асноўнае пытанне было ў тым, хто чым займаецца з маіх адмінаў, і хто на якія тэмы піша. І каго я ведаю яшчэ – такое пытанне таксама было…
Працяг размовы – у відэа.
Сяргей Падсасонны belsat.eu
Фота: Vasily Fedosenko / Reuters / Forum