Беларускія пісьменнікі і паэты не любяць адно аднаго, а крытыкі хутка знікнуць як клас. Чаму айчынная літаратура – гэта не толькі музы і натхненне, а яшчэ і цяжкая канкурэнцыя? Пра гэта з літаратуразнаўцай і крытыкам Ганнай Кісліцынай «Размову» вядзе Віталь Цыганкоў.
Беларуская літаратура нагадвае цэлую цывілізацыю, якая жыве паводле ўласных законаў. І Міжнародная менская кніжная выстава, безумоўна, застаецца падзеяй, якая можа шмат чаго сказаць пра агульны стан гэтай цывілізацыі.
«Вельмі рэдка бачу, каб адзін пісьменнік пахваліў другога. Цяпер і не прыгадаю, хіба за выпадкамі, калі адзін пісьменнік нечага дасягнуў, а іншы пісьменнік у яго такі малодшы брат, падрастае і чапляецца вось за некага. А так я не бачу ні радасці за калегаў, ні наадварот нейкіх там… Абыякавасць», – выказалася госця праграмы.
Таксама ў «Размове»:
- Чым парадуе Міжнародны менскі кніжны кірмаш?
- Чаму кожны літаратар вымушаны дбаць сам пра сябе?
- Хто ўпісвае імёны ў летапіс айчыннай літаратуры?
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
