Ганна Канапацкая: Дэпутаты не бачаць пагрозы ў дамове аб Саюзнай дзяржаве
Кіраўнік беларускай інтэграцыйнай працоўнай групы міністр эканомікі Беларусі Дзмітрый Крутой адмовіўся паказаць дэпутатцы Палаты прадстаўнікоў Ганне Канапацкай прапановы Масквы аб развіцці інтэграцыі ў межах Саюзнае дзяржавы.
У чым жа сакрэтнасць гэтага дакументу, запытаемся ў самой дэпутаткі Палаты прадстаўнікоў Ганны Канапацкай:
«Я за практычна 3 гады працы ў Палаце прадстаўнікоў ужо сутыкалася з той сітуацыяй, што адсутнасць напрацягу апошніх 20 гадоў рэальнага парламентарызму ў РБ сталася для некаторых чыноўнікаў прывычнаю. І для многіх, на жаль, слова дэпутат – проста пусты гук. Але Дзмітрый Крутой, на мой погляд, з маладой каманды чыноўнікаў, якія прыйшлі з новым мысленнем, з новай фармацыяй, прынамсі мне б хацелася так думаць… Таму я напісала яму гэтае пытанне, разумеючы, што незалежнасць Беларусі, яе суверэнітэт, з’яўляюцца каштоўнасцю не толькі для сённяшняй улады, але і для большай часткі беларускага грамадства, асабліва апазіцыйнай часткі грамадства. Гэта тое адзінае, што сёння можа абʼяднаць уладу і апазіцыю – вартасць беларускай незалежнасці. Таму такі адказ быў для мяне хутчэй нечаканым, чым чаканым…»
Працяг размовы – у сюжэце
