У Беларусі Наталля не адчувала патрэбы гаварыць па-беларуску. Але ўсё змянілася ў Варшаве. Тут яна не толькі пачала камунікаваць з беларусамі на беларускай мове, але і сур’ёзна занялася традыцыйнаю культураю Беларусі. Чаму?
Нашая госця – беларуская актывістка ў Варшаве Наталля Гапановіч. Яна распавяла, якім выпрабаваннем для ейных аднакурснікаў сталася геадэзія, профільны прадмет, які выкладалі па-беларуску. Як адрэагавалі знаёмыя, калі Наталля пачала размаўляць з імі на беларускай мове? А галоўнае – чаму і як яна зрабілася беларускамоўнай асобаю?
Наталля падзяліліся крыўдным пытаннем, якое чула ад палякаў і ўкраінцаў. Яны дзівіліся, што існуе беларуская мова: усім жа вядома, што беларусы гавораць паміж сабою па-расейску.
«Ад палякаў, ад украінцаў я чую такое здзіўленне: а што, ёсць беларуская мова? І гэта нейкая такая крыўда: так, ёсць беларуская мова!» – згадвае Наталля.
Гераіня распавяла, што вывучыць беларускую мову дапамаглі, між іншага, аўдыякнігі. Іх можна паслухаць на старонцы «Беларуская палічка» і «Кніжны воз».
Наталля – удзельніца гуртка традыцыйных спеваў у Варшаве. Паслухайце, як прыгожа гучыць беларускае слова ў выкананні гуртка:
У граматычнай частцы высвятляем розніцу ва ўжыванні словаў «жаноцкі» і «жаночы».
Асоба – рус. личность
Часопіс – рус. журнал
Асяроддзе – рус. окружение, среда
Выпрабаванне – рус. испытание
Залічыць – рус. засчитать
Адпаведная адзнака – рус. соответствующая оценка
Залік – рус. зачет
Выдатна – рус. отлично
Незвычайна – рус. необычно
Адрозна – рус. отлично, отличительно
Жарт – рус. шутка
Тычка – жэрдка, якая пазначае пункт пры тапаграфічнай здымцы
Натхніць – рус. вдохновить
Імкнуцца – рус. стремиться
Хвалявацца – рус. волноваться
Думка – рус. мысль
Покліч – рус. зов
Туга – рус. грусть
Акрэсліць – рус. очертить
Пачуццё – рус. чувство
Знікнуць – рус. исчезнуть
Бацькаўшчына = айчына, радзіма
Падтрымка – рус. поддержка
Нязручна, няёмка – рус. неудобно, неловко
Падштурхнуць – рус. подтолкнуть
Крыўда – рус. обида
На асабістым прыкладзе – рус. на личном примере
Паветра – рус. воздух
Штучны – рус. искусственный
Раптам – рус. вдруг
Адгукацца – рус. отзываться
Пяшчота – рус. нежность
Забараняць – рус. запрещать
Стварыць – рус. создать
Меркаваць = думаць
Прымус – рус. принуждение
Каштоўнасць – рус. ценность
Мара – рус. мечта
Твор – рус. произведение
Сакавіты – рус. сочный
Рэч = прадмет
Камізэлька, шнуроўка – рус. жилетка
Спрачацца – рус. спорить
Удасканальваць – рус. совершенствовать
Артыкул – рус. статья
Выраб – рус. изготовление
Строй = касцюм
Кашуля – рус. рубашка
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.