Чаму Пуцін напаў на Расею напрыканцы 90-х? Чаму Крэмль недаацаніў Украіну і яе здольнасць абараняцца? Чаму Украіна не знішчае складоў з боепрыпасамі на тэрыторыі Беларусі? Ці рыхтуюцца ў расейскіх элітах да паразы ў вайне? Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
рэдактар сайту «Вось так» Максім Шылін, карэспандэнт сайту «Вось так» Аляксандр Скрыльнікаў і вядоўца праграмы «Вечаровы шпіль» на «Белсаце» Алесь Карніенка.
Некаторыя тэзы з выступаў гасцей:
Аляксандр Скрыльнікаў
- Параза Расеі ў вайне супраць Украіны – гэта і яе перамога ў будучыні
- Спецслужбы далі Пуціну карцінку, што ўкраінцы сустрэнуць расейскіх жаўнераў з кветкамі
- У Прыгожына адначасова выдатная і жахлівая піяр-служба: цяпер ён герой Расеі, які перавыхаваў зэкаў і абараняе радзіму
Максім Шылін
- Пуцін паверыў у тую музыку, якую ён сам замовіў у сваіх агентаў ва Украіне
- Лукашэнка задумваецца аб тым, што будзе далей, калі Расея прайграе ў гэтай вайне
- Я не думаю, што калі Украіна пераможа, з расейцамі не будуць усталёўваць дыялогу
Алесь Карніенка
- Захад выгадаваў Пуціна з маленькай молі ў вялікага маньяка
- Лукашэнка і Пуцін – дзве метастазы адной і той жа ракавай пухліны
- Я пытаюся ў вайсковага кіраўніцтва Украіны: «Ці вы хочаце, каб дзясяткі тысяч тонаў снарадаў падалі на галовы ўкраінскіх жаўнераў?»
Поўную версію дыскусіі глядзіце ў праграме «Без акрэдытацыі».
