Ці сустракаўся міністр замежных справаў Вугоршчыны з Лукашэнкам у Менску? Хто з прыхільнікаў Лукашэнкі супраць раскулачвання бізнесу ў Беларусі? Ці можна беларускім дзецям прамыць мазгі да такой жа ступені, як у Расеі? Адказы на гэтыя і іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
журналістка Вольга Быкоўская і акадэмічны дырэктар Беларускага інстытуту стратэгічных даследаванняў Пётр Рудкоўскі.
Некаторыя тэзы з выступаў гасцей:
Пётр Рудкоўскі
- Кіраўнік МЗС Вугоршчыны мог перадаць Лукашэнку прывітанне праз Алейніка
- У беларускім грамадстве прапагандысцкія штампы ёсць унёскам у дыскрэдытацыю рэжыму
- Развязанне эканамічных праблемаў праз раскулачванне бізнесу – дэбілізм
Вольга Быкоўская
- Вернікам Лукашэнкі ўсё, што ні зробіць рэжым, – добра
- У Лукашэнкі знікла крытычнае мысленне, для яго лаяльнасць – галоўны аргумент
- У Еўразвязу няма механізмаў, каб наўпрост размаўляць з Лукашэнкам: нельга спачатку яго не прызнаваць, а потым прызнаць і ціснуць руку
Калаж з фота: Peter Kovalev / TASS / Forum, Lian Yi / Xinhua News Agency / Forum
Поўную версію дыскусіі глядзіце ў праграме «Без акрэдытацыі».
