Вядома, зрабіць кар’еру ў беларускай уладзе можа толькі той, на каго ў Лукашэнкі ёсць тэчка з кампраматам. Хочаш новую пасаду – вырашай сам, што будзе ў тваёй тэчцы: хабар, фота з каханкай, а, можа, з каханкам.
Беларуская зборная прыбыла на Алімпіяду ў Пекін і ўпэўнена ідзе да… новых скандалаў! Напрыклад, чальцы каманды атрымалі разам з формаю балаклавы ды інавацыйную распрацоўку – лыжы-самастопы.
Тым часам у Беларусі праект Канстытуцыі гэтак узбудзіў актораў, што іх давялося заспакойваць цэламу пракурору. І ўрэшце зрабілася ясна, што расейскія вайскоўцы няхутка пакінуць Беларусь.
«Хай так TV» абмеркаваў апошнія навіны і пагутарыў пра ўражанні ад КДБ з Аляксандраю Моладаваю, сябрам ініцыятыўнай групы Віктара Бабарыкі.
- Чыноўнікі памераліся кампраматам
- Як правільна каяцца пры вяртанні ў Беларусь
- Алімпійскай зборнай раздалі балаклавы
- Праект Канстытуцыі пераўзбудзіў беларускіх актораў
- Расейскія вайскоўцы ў Беларусі застануцца надоўга
- «Памый Грышу»: Ваданосава хоча памыць Азаронка
- Бээрэсэмаўцы на рэферэндуме будуць клоўнамі
- Аляксандра Моладава пра сваіх выбітных суседзяў, затрыманне, «станоўчы сексізм» сілавікоў і гутарку з кадэбэшнікам.
Муж Аляксандры, Арцём Моладаў, таксама быў чальцом ініцыятыўнай групы Віктара Бабарыкі. Ён распавёў сваю гісторыю нашай здымачнай групе ў Тбілісі.
Сатырычнае шоу «Хай так TV» глядзіце кожную суботу а 20:30 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.
Калаж з фота: StockSnap / pixabay; minpriroda.gov.by
