Ці працуе лукашысцкая прапаганда? Ці чытаў Лукашэнка Оруэла? Як расейскі крымінал можа паўплываць на развал Расеі? Што можна і варта рабіць для беларускай мовы проста цяпер? Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
старшыня Беларускага ПЭНу Таццяна Нядбай, журналіст Беларускай службы Польскага радыё Эдуард Жолуд і вядоўца праграмы «Вечаровы шпіль» на «Белсаце» Алесь Карніенка.
Некаторыя тэзы з выступаў гасцей:
Алесь Карніенка
- Я аптымістычна гляджу на беларускае грамадства, бо памятаю яго ў 1994 і 2004 гадах
- На тэрыторыі Беларусі не будзе паспалітага рушэння нават чынавенскага
- На 29 годзе дыктатуры адзіны вынік, які яны цяпер дэманструюць, – гэта «мір»
Таццяна Нядбай
- Мы можам апынуцца ў сітуацыі, калі людзі вераць прапагандзе больш, чым сваім вачам
- У нас мусіць быць не дзень і не год, а ўсё жыццё беларускай мовы
- Алесь Бяляцкі – добры арыенцір для нас, каб не здавацца, і ён сам з-за кратаў заклікае нас не здавацца
Эдуард Жолуд
- Вельмі шмат рэчаў указваюць на тое, што 2023 год будзе годам разбурэння і вайны
- Лукашысцкая прапаганда не працуе на пашырэнне аўдыторыі, а акучвае сваіх прыхільнікаў
- На жаль, у Беларусі шмат людзей, для якіх сталіца – гэта Масква, а куранты – сімвал Новага года
Поўную версію дыскусіі глядзіце ў праграме «Без акрэдытацыі».
