Адна з найлепшых юрыстак Варшавы – пра мудрасць Ціханоўскай і мастацкі талент Стыльскага
Адна з найлепшых юрыстак Варшавы распавяла праграме «Мова нанова», ад чаго яна адмовілася, каб дапамагчы беларусам у Польшчы, як яе змяніла сустрэча са Святланаю Ціханоўскаю і чым яе скарыла карціна Юрыя Стыльскага «Дзяўчына ў белым».
Ганна Маціеўская – юрыстка, бізнесоўца, філантропка і актывістка. Разам з мастачкаю Янаю Шостак яна стварыла ініцыятыву «Партызанка» для дапамогі спачатку беларусам, а цяпер і ўкраінцам у Польшчы.
Ганна – пераможца польскіх конкурсаў «Prawnik Pro Bono 2021» і «Rising Stars 35» (2022). Гэткім чынам палякі адзначылі яе дабрачынную дзейнасць, у тым ліку куратарства над дзецьмі беларускіх палітвязняў.
Ганна – уладальніца карціны «Дзяўчына ў белым», якую намаляваў Юрый Стылькі, лідар гурта «Дай дарогу!».
Ганна зрабілася беларускамоўнаю асобаю з ліпеня 2022 года. А сталася гэта праз сустрэчу са Святланаю Ціханоўскаю. Дарэчы, спадарыня Святлана таксама выдатна авалодала беларускаю моваю – у гэтым вы можаце пераканацца ў выданні «Мова нанова», прысвечаным Дню роднай мовы:
Ганна мае не толькі юрыдычную, але і музычную адукацыю. Яна скончыла Варшаўскую кансерваторыю, таму можа параўнаць пявучасць беларускае і італьянскае мовы.
Падрабязней пра гэта – у новым выданні праграмы «Мова нанова».
Вядоўца праграмы Віктар Шукеловіч нагадаў гледачам пра распрацаваную юрыдычную лексіку, якая выкарыстоўвалася ў ВКЛ. Таму можна не пераймацца, што судовыя працэсы па-беларуску немагчымыя. Калі ж замежнікі не будуць чагосьці разумець – не бяда. Яны будуць мець перакладчыка. А пужалкі, што расейскамоўныя людзі не змогуць бараніцца ў беларускім судзе, – вартыя смеху. Падрабязней пра гэта – у нашай размове з Зянонам Пазняком:
Спатканне = сустрэча
Асоба = чалавек
Уцякач = бежанец
Рэчы – рус. вещи
Карысна – рус. полезно
Лёс – рус. судьба
Палітвязень = палітычны зняволены
Дабрадзейны = дабрачынны – рус. благотворительный
Шчыра – рус. искренне
Узнагарода – рус. награда
Праваабаронца – рус. правозащитник
Шаль, шалік – рус. шарф, шарфик
Сукенка – рус. платье
Так сталася = так атрымалася
Ужываць = выкарыстоўваць
Вымагаць = патрабаваць
Кабета = жанчына
Сорамна – рус. стыдно
Выклік – рус. вызов
Адмовіцца – рус. отказываться
Дамешак = дадатак
Блытацца – рус. путаться
Ладзіць = праводзіць
Рух – рус. движение
Адлюстроўваць – рус. отражать
Твар – рус. лицо
Штораз = кожны раз
Прышпільны = прыкольны
Асабіста = персанальна
Файны = класны
Пераасэнсаваць – рус. переосмыслить
Уплыў – рус. влияние
Развагі = роздум
Ісцец = скаржнік, жалобнік
Натхняць – рус. вдохновлять
Плён = добры вынік, рэзультат
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
