Улады просяць мясцовых жыхароў зачыніць вокны і не выходзіць на вуліцу.
Дзяцей адправілі ў санаторыі Еўпаторыі, Бахчысарайскага і Сакскага раёнаў.
Тым часам Следчы камітэт распачаў крымінальную справу за парушэнне правілаў абыходжання экалагічна небяспечных рэчываў і адходаў.
Некантраляваны выкід хімічнага рэчыва адбыўся на заводзе «Крымскі тытан». Працу прадпрыемства прыпынілі на два тыдні.
Звесткі пра выкід у атмасферу невядомага рэчыва з прадпрыемства з’явіліся 27 жніўня ў расейскіх СМІ. Жыхары скардзіліся на рэзкі пах, праблемы з дыханнем, тэмпературу і сып. Іх аўтамабілі пакрыліся налётам з іржы.
Завод «Крымскі тытан» зʼяўляецца адным з найбуйнейшых ва Усходняй Еўропе вытворцаў дыяксіду тытану, які выкарыстоўваецца для вырабу лакафарбавай прадукцыі, пластмасы, каўчуку, гумы і г.д.
ДР belasat.eu