У Японіі на круізным лайнеры «Diamond Princess» часткова знялі каранцін, уведзены на яго борце ў пачатку лютага праз успышку каронавіруса COVID-19. Пра гэта паведамляе тэлеканал NHK.
Пасля двух тыдняў каранціну на бераг у горадзе Ёкагама 19 лютага сышла першая група з 500 пасажыраў. Першымі лайнер пакінулі сталыя людзі 70-80 гадоў, чые тэсты на каронавірус былі адмоўныя.
Але тым, у каго медыкі знайшлі вірус, давядзецца заставацца на борце лайнера на дадатковы час каранціну.
Агулам на судне знаходзілася 3,6 тыс. чалавек з 50 краін. Пасля выяўлення першага выпадку каронавіруса на лайнеры быў уведзены каранцін. Два тыдні пасажыры не маглі пакідаць свае каюты і кантактаваць з іншымі. Калі ў каюце не было вокнаў, яны маглі шпацыраваць на палубе па гадзіне ў дзень, засцярогшы сябе маскамі ды ідучы на адлегласці адзін ад аднаго.
Нягледзячы на каранцін, інфекцыя хутка распаўсюджвалася сярод пасажыраў. Агульная колькасць тых, хто заразіўся каронавірусам, станам на 19 лютага дасягнула 621 чалавек. Гэта стала найбуйнейшым цэнтрам заражэннем Covid-19 за межамі Кітая.
Падчас каранціну некаторыя гарады адмаўляліся пускаць лайнер у свае парты.
МГ belsat.eu