У Беларусі поўнае налічэнне платы за жыллёва-камунальныя паслугі адбываецца па эканамічна абгрунтаваным тарыфе. Але ў некаторых выпадках кошт можа зніжацца – напрыклад, для інвалідаў вайны, непрацуючых пенсіянераў або шматдзетных сем’яў.
Пра магчымасці, якія дазваляюць плаціць за ЖКП меней, распавядае партал камунальнай пісьменнасці.
Спосаб № 1 – субсідаваны тарыф
Акрамя эканамічна абгрунтаванага тарыфу, існуе тарыф, які субсідзіруецца – своеасаблівая дапамога дзяржавы грамадзянам пры аплаце жыллёва-камунальных паслуг.
Прэтэндаваць на субсідыі можна толькі ў дачыненні да толькі аднаго жылога памяшкання, у якім зарэгістраваны ўласнік і члены яго сямʼі, і толькі ў межах устаноўленых нормаў. Калі ў кватэры ніхто не зарэгістраваны або яна здаецца ў арэнду для кароткатэрміновага пражывання, а таксама ў выпадках, калі ў жылым памяшканні зарэгістравана прыватная кампанія, пры разліку будуць прымяняцца эканамічна абгрунтаваныя тарыфы.
Спосаб № 2 – безнаяўныя субсідыі
Яшчэ адна форма дзяржаўнага падтрымання ў Беларусі – безнаяўныя жыллёвыя субсідыі, якія прадстаўляюцца для частковай аплаты ЖКП.
Па субсідыю можа звярнуцца любы грамадзянін. Адна важная ўмова: штомесячная сума платы за жыллёва-камунальныя паслугі павінна перавышаць 20 % сярэднямесячнага прыбытку грамадзяніна (сямʼі) для гараджанаў і 15 % для вяскоўцаў.
Што тычыцца грамадзянаў, не занятых у эканоміцы, ім з 1 студзеня 2019 года субсідыі прадстаўляцца не будуць.
Спосаб № 3 – зніжкі атрымліваюць грамадзяне, якія адносяцца да безумоўных ільготнікаў
Для асобных катэгорый грамадзянаў прадугледжаны льготы па аплаце жыллёва-камунальных паслуг. Гэта прапісана ў Законе «Аб дзяржаўных сацыяльных ільготах, правах і гарантыях для асобных катэгорый грамадзянаў».
Спосаб № 4 – усталяванне прыбору індывідуальнага ўліку цяпла
З пачатку гэтага ацяпляльнага сезону ёсць магчымасць зэканоміць на ацяпленні ў памеры 5 – 10 %.
- дзесяціадсоткавая зніжку на цеплавую энергію будзе прадстаўляцца тым плацельшчыкам ЖКП, хто ўсталюе на свае грошы прыбор індывідуальнага ўліку цяпла.
- пяціадсоткавую зніжку за ацяпленне атрымаюць тыя, хто пачне плаціць за цяпло па паказніках цеплавога лічыльніка ў дамах, уведзеных у эксплуатацыю да 1 студзеня 2018 года. Важна, каб прыборы індывідуальнага ўліку былі ўсталяваныя, але разлікі па іх раней не праводзіліся. Зніжка таксама прадстаўляецца на тры гады.
Спосаб № 5 – зніжка для тых, хто зʼехаў у адпачынак ці на працу ў іншы горад
За такія камунальныя паслугі – як зварот з адкідамі, водазабеспячэнне, каналізацыя і газазабеспячэнне (пры адсутнасці лічыльніка на ваду і газ) – можна не плаціць, калі зʼяжджаеш у адпачынак або па іншых справах больш чым на 10 дзён.
Спосаб № 5 – зніжка на аплату ліфта і вываз адкідаў
Плата за ліфт не налічваецца тым, хто не можа ім карыстацца па стане здароўя. Таксама ад выплаты вызваляюцца людзі, чые кватэры знаходзяцца на першым і на другім паверсе (акрамя выпадкаў, калі першая пляцоўка ліфту знаходзіцца ў падвале).
Ад платы за электрычнасць, якое выкарыстоўваецца на асвятленне падʼезда і працу ліфта, таксама вызваляюцца дзеці да сямі гадоў.
Ўладальнікі аднакватэрных або блакаваных жылых дамоў, якія знаходзяцца за горадам, дзе ніхто не зарэгістраваны, могуць не плаціць за вываз цвёрдых камунальных адходаў шэсць месяцаў у годзе. Для таго каб прыпыніць аплату паслугі за вываз смецця, трэба звярнуцца з адпаведнай заявай у арганізацыю, якая ажыццяўляе вываз смецця.
СК, belsat.eu
