Цэнтр Менску ў нядзелю 21 чэрвеня па-ранейшаму запоўнены міліцыянтамі. Пра гэта паведамляе карэспандэнт «Белсату».
Нягледзячы на адсутнасць заклікаў да новых акцыяў салідарнасці, у раёне Кастрычніцкай плошчы і плошчы Свабоды працягваюць стаяць аўтазакі, аўтобусы з АМАПам і машыны ДАІ.
Пры гэтым міліцыянты – фактычна адзіныя людзі ў цэнтры беларускай сталіцы.
Людзей на вуліцы па-ранейшаму мала. Каля Белдзяржфілармоніі ў дварах шмат міліцэйскіх аўтамабіляў, некаторыя аўто і танаваныя мікрааўтобусы пастаянна курсуюць па дварах і праспекце Незалежнасці.
Варта адзначыць, што людзей у Менску паменела таксама праз цёплае надвор’е – у нядзелю шмат хто скіраваўся за горад.
Нагадаем, што за два дні на акцыях салідарнасці ў розных гарадах Беларусі затрымалі не менш за 300 чалавек.
МГ belsat.eu