Сайт УУС Гомельскага аблвыканкаму паведамляе пра незвычайнае здарэнне: у Гомлі 14 снежня АМАП затрымаў 17-гадовага хлопца, які прыйшоў у Лядовы палац на падлеткавы турнір па хакею «Залатая шайба».
Падчас дагляду, паведамляюць у міліцыі, у хлопца знайшлі ў заплечніку паходную сякеру ў чахле і раскладны нож. Яшчэ адзін нож у чахле ён насіў за поясам.
Навоша хлопцу была сякера і нажы ў Лядовым палацы – невядома.
«Быў праведзены агляд месца жыхарства непаўналетняга. У выніку выяўлена 24 патрона рознага калібру, з якіх тры, згодна з заключэннем экспертызы, з’яўляюцца боепрыпасамі да ручнога стралковай наразной агнястрэльнай зброі, прыдатнымі для стральбы», – паведамілі ў УУС.
Праваахоўныя органы распачалі справу па ч. 2 арт. 295 (незаконныя дзеянні са зброяй). 17-гадовы хлопец затрыманы.
Раней да адміністратыўнай і крымінальнай адказнасці ён не прыцягваўся.
ІІ, belsat.eu