Чатырохгадовы насарог стаў першай у Еўропе жывёлінай, якую браканьеры забілі ў заапарку.
Невядомыя праніклі ў вальер з афрыканскімі насарогамі і забілі аднаго з іх.
Работнікі заапарка ў горадзе Туары на захад ад Парыжа раніцай у аўторак выявілі труп чатырохгадовага белага насарога па мянушцы Ўінс (Vince).
Насарога забілі некалькімі стрэламі ў галаву, потым злачынцы спілавалі жывёліне пярэдні рог. Імаверна, ягоная здабыча рогі і была асноўнай мэтай злачынства: рог насарога высока цэняцца на чорным рынку. Гэтак, рог вагаю ў адзін кілаграм можна прадаць за $ 60 тыс.
Насарогу Вінсу было чатыры гады, ён мог пражыць каля 50 гадоў.
Daily Mail адзначае, што гэта першы ў Еўропе выпадак нападу браканьераў на жывёліну ў заапарку.
ДД
