Аўтамабільнае паліва ў Беларусі з 12 красавіка патаннее на 1 капейку. Аб гэтым паведамляецца ў прэс-рэлізе «Белнафтахіму».
Як паведамляецца ў прэс-рэлізе «Белнафтахіма», з 12 красавіка 2020 года бензін АІ-92-К5-Еўра будзе каштаваць 1,72 рубля, АІ-95-К5-Еўра – 1,82 руб., АІ-98-К5-Еўра – 2,04 руб., дызельнае паліва – 1,82 руб.
Мінулы раз кошты на паліва змяняліся 1 сакавіка. Тады цану бензіну АІ-92-К5-Еўра зафіксавалі на ўзроўні 1 руб. 73 кап., АІ-95-К5-Еўра – 1 руб. 83 кап., АІ-98-К5-Еўра – 2 руб. 5 кап., а дызельнага паліва на ўзроўні 1 руб. 83 кап.
Нагадаем, напачатку сакавіка сусветныя цэны на нафту абваліліся больш чым на 30%. Гэта было самае імклівае падзенне кошту нафты пасля 1991 году, калі была вайна ў Персідскай затоцы.
ІІ belsat.eu