Фотакарэспандэнт Belsat.eu пабываў каля дыпрадстаўніцтваў краінаў, грамадзяне якіх загінулі ў авіякатастрофе пад Тэгеранам 8 студзеня. Кветкі з’явіліся толькі каля амбасады Украіны.
«Boeing 737» авіякампаніі «Міжнародныя Авіялініі Украіны» разбіўся неўзабаве пасля ўзлёту. На борце летака было 176 чалавек: 167 пасажыраў і 9 чальцоў экіпажу. Усе яны загінулі, паведамляе кіраўнік МЗС Украіны Вадзім Прыстайка. Сярод пасажыраў было 11 украінцаў (2 пасажыры і 9 чальцоў экіпажу), 63 грамадзяніна Канады, 82 – Ірану, 10 – Швецыі, 4 – Афганістану, 3 – Нямеччыны, 3 – Вялікай Брытаніі.