Супраць апазіцыйнага палітыка, кандыдата ў прэзідэнты на выбарах 2010 года Мікалая Статкевіча распачатая крымінальная справа паводле ч.1 арт. 342 Крымінальнага кодэксу (арганізацыя дзеянняў, якія груба парушаюць грамадскі парадак).
Пра гэта на сваёй старонцы ў Фэйсбуку паведаміла жонка палітыка Марына Адамовіч.
Толькі што стала вядома, што Мікола Статкевіч, які заўтра павінен быў выйсці на волю, "затрыманы па падазрэнню у…
Opublikowany przez Marinę Adamovich Poniedziałek, 29 czerwca 2020
Пакуль невядома, якія падзеі сталі фармальнай падставай для распачынання крымінальнай справы супраць Мікалая Статкевіча.
Статкевіч знаходзіцца за кратамі з 31 траўня. Палітыка затрымалі людзі ў цывільным 31 траўня, калі ён ехаў на на Камароўскі рынак на пікет па збору подпісаў за Святлану Ціханоўскую. 1 чэрвеня суд пакараў Статкевіча 15 соднямі арышту, а потым даў яшчэ 15 содняў.
Нагадаем, абвінавачванні ў арганізацыі дзеянняў, якія груба парушаюць грамадскі парадак выстаўлены таксама фігурантам «справы Ціханоўскага» і блогеру Ігару Лосіку. Максімальнае пакаранне паводле ч. 1 арт. 342 КК – тры гады пазбаўлення волі.
ІІ belsat.eu
