Першыя старонкі выданняў «Ведомости», «Коммерсантъ» і РБК упершыню выйшлі ў адзінай стылістыцы. У супольнай заяве галоўных медыяў падкрэсліваецца, што аб’ектыўнае расследаванне справы Галунова важнае для ўсяго расейскага грамадства.
Агульная заява выданняў агучваецца на старонцы выдання «Ведомости».
«Мы вітаем выбар судом больш адэкватнай, чым зняволенне ў СІЗА, меры стрымання Івану Галунову.
Разам з тым мы не лічым агучаныя следствам доказы вінаватасці Івана Галунова пераканаўчымі, а абставіны яго затрымання выклікаюць вялікія сумневы ў тым, што пры правядзенні следчых дзеянняў не было парушана заканадаўства.
Мы не выключаем, што затрыманне і наступны арышт Галунова звязаны з яго прафесійнай дзейнасцю.
Мы патрабуем дэталёвага правярання дзеянняў супрацоўнікаў МУС, якія маюць дачыненне да затрымання Івана Галунова, на адпаведнасць заканадаўству і настойваем на прадстаўленні звестак гэтай праверкі сродкам масавай інфармацыі.
Мы чакаем ад праваахоўных органаў няўхільнага выканання закона і патрабуем максімальнай празрыстасці пры правядзенні расследавання. Мы будзем уважліва сачыць за хадой расследавання і заклікаем падлучыцца да гэтага профільныя грамадскія арганізацыі.
Мы лічым, што выкананне гэтых патрабаванняў прынцыпова важна не толькі для журналісцкай супольнасці Расеі, але і для ўсяго расейскага грамадства ў цэлым. Мы патрабуем выканання закона ўсімі і для ўсіх».
СК belsat.eu