Задымленне зафіксавалі на малочна-таварнай ферме ў вёсцы Пырашава Уздзенскага раёну.
Пра ўзгаранне ратаўнікам паведаміў вартаўнік прадпрыемства. Ён разам з яшчэ аднім працаўніком фермы пакінулі месца да прыбыцця брыгады.
Падраздзяленне МНС устанавіла, што адкрытым полымем гарыць адзін з будынкаў прадпрыемства.
Ратаўнікі разам з прадстаўнікамі фермы эвакуявалі 186 галоў кароў. Пажар ліквідавалі, прычыны высвятляюцца. Разгляданая версія – парушэнне правілаў эксплуатацыі электрасетак і электраабсталявання.
Агнём пашкоджаныя сцены і перакрыцце ў памяшканні, знішчаныя 2 электрычных помпы. Жывёліны, як і людзі, не пацярпелі.
ДР belsat.eu