З 16 сакавіка Генеральнае консульства Рэспублікі Польшча ў Берасці заклікае грамадзянаў адмяніць або перанесці свой візіт. У сувязі з эпідэміялагічнай сітуацыяй, дыпламаты просяць абмежаваць наведванне ўстановы, паведамляецца на сайце консульства.
Генеральны консул у Берасці застаецца адкрытым да кантакту, але па тэлефоне. Пры гэтым дыпламаты заклікаюць наведнікаў карыстацца электроннай скрыняй і задаваць пытанні, якія не патрабуюць асабістага візіту ў консульства.
Акрамя заклікаў перанесці, або адмяніць свае візіты, у консульстве інфармуюць, што з 16 сакавіка прыпыняецца праца візавага інфармацыйнага акна. Цяпер атрымаць інфармацыю можна толькі праз тэлефон.
СК belsat.eu