Палата прадстаўнікоў Кангрэсу ЗША большасцю галасоў ухваліла новы пакет захадаў, што стымулююць эканоміку, коштам $ 3 трлн. Пасяджэння транслявалася на сайце ніжняй палаты.
Законапраект накіраваны на пераадоленне наступстваў распаўсюду каронавіруса. Паводле яго, каля $ 1 трлн вылучаць штатам і мясцовым уладам. Таксама засноўваецца фонд на $ 200 млрд для працаўнікоў крытычна важных сфер, уключаючы ахову здароўя.
Акрамя таго, выплаты на сям’ю павялічаць да $ 6 тыс.
Дакумент прадугледжвае вылучэнне $ 75 млрд на тэставанні на каронавірус, уключае сродкі на дапамогі беспрацоўным і пакрыццё адукацыйных крэдытаў.
Зараз дакумент, распрацаваны дэмакратамі, павінен паступіць на разгляд Сената, дзе рэспубліканцы ўжо заявілі, што не будуць падтрымліваць новы пакет мер.
Прэзідэнт ЗША Доналд Трамп таксама даў зразумець, што ў законапраекта няма шанцаў. Белы дом лічыць прапанову дэмакратаў спробай прасунуць свае палітычныя інтарэс праз не злучаныя са змаганнем з каронавірусам выдаткі.
Папярэдні пакет стымулюючых эканоміку мер у памеры больш за $ 2 трлн прынялі ў канцы сакавіка. Да гэтага заканадаўцы вылучылі федэральным уладам $ 8,3 млрд для стрымлівання пандэміі.
Таксама Кангрэс ухваліў вылучэнне на пераадоленне наступстваў пандэміі $ 350 млрд, а 24 красавіка Трамп падпісаў 24 красавіка яшчэ адзін законапраект аб такіх самых мерах абʼёмам амаль $ 500 млрд.
МГ belsat.eu
