Гарадзенскаму музыку і актывісту Ігару Банцэру «накінулі» яшчэ 15 содняў арышту. Пра гэта паведамляе «АЧК-Беларусь».
22 жніўня ў Цэнтральным судзе Менску прайшоў другі судовы працэс над Ігарам Банцэрам паводле артыкулу 19.11 КаАП («Распаўсюд, выраб, захоўванне, перавоз інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць»). Ён атрымаў другія 15 дзён арышту запар.
Ігара Банцэра затрымалі 4 жніўня ў Горадні. Сілавікі выламалі дзверы ў ягонай кватэры і вывезлі музыку ў Менск.
Ігара Банцэра мусілі вызваліць 19 жніўня пасля 15 содняў арышту. Але на волю ён не выйшаў. Стала вядома, што яго перазатрымалі ў дзень вызвалення паводле новай адміністратыўнай справы. Выходныя ён правёў у ЦІПе ў чаканні чарговага суда.
Якуб Хруст belsat.eu
