Прэсавы сакратар спецыяльнай службы Польшчы – Станіслаў Жарын заявіў, што Польшча склала спіс 45 расейскіх дыпламатаў, якія абвінавачваюцца ў шпіянажы і падлягаюць тэрміновай дэпартацыі. Аб гэтым намеры Жарын расказаў на прэсавай канферэнцыі з нагоды арышта грамадзяніна Польшчы, падазраванага ў шпіянажы на карысць Расейскай Федэрацыі, – паведамляе партал “onet.pl”.
Агенцыя ўнутранай бяспекі звяртае ўвагу на тое, што Расея ўсё часцей агрэсіўна паводзіць сябе ў дачыненні да Польшчы. Падрыхтаваны спіс з 45 чалавек з дыпламатычных колаў, якія працуюць на расейскую выведку. Пададзеная заяўка на высылку гэтых людзей з Польшчы.
Таксама Станіслаў Жарын дадаў, што Агенцыя Ўнутранай Бяспекі Польшчы вядзе актыўную працу па супрацьстаянні выклікам з боку Расейскай Федэрацыі.
ХЗ belsat.eu
