У польскім футбольным клубе «Заглембе» з гораду Сасновец (Сілезскае ваяводства) у якасці галоўнага трэнера і спартовага дырэктара будуць працаваць спецыялісты з Беларусі.
Галоўным трэнерам клубу стаў беларускі футбаліст і трэнер Аляксандр Хацкевіч, які раней выступаў за менскае і кіеўскай «Дынама» ды трэнаваў іх. У 2014-2016 гадах быў галоўным трэнерам нацыянальнай зборнай Беларусі. Кантракт разлічаны да 30 чэрвеня 2024 года.
Таксама на пасаду спартыўнага дырэктара ў клуб прыйшоў Міхаіл Залеўскі – былы гендырэктар барысаўскага БАТЭ ў 2020-2021 гадах.
Абодва спецыялісты выступалі супраць фальсіфікацыі выбараў у Беларусі, гвалту сілавікоў і супраць вайны ва Украіне. З гэтай прычыны яны былі вымушаныя пераехаць у Польшчу.
Клуб «Заглембе» з Сасноўцу гуляе ў другім дывізіёне Польшчы. Пасля 19 тураў клуб займае апошняе месца.
Якуб Хруст belsat.eu