Генпракуратура накіравала ў суд крымінальную справу супраць Валерыя Цапкалы, якая праходзіць у рамках «спеццыяльнага вядзення». Да яго «завочна ўжытая мера стрымання ў выглядзе ўзяцця пад варту».
Валер Цапкала.
Фота: Madis Veltman / Globallookpress.com
Экс-кандыдата на прэзідэнцтва Беларусі і былога кіраўніка ПВТ Валерыя Цапкалу абвінавачваюць паводле васьмі артыкулаў:
- «Атрыманне хабару ў асабліва буйным памеры»;
- «Злоўжыванне службовымі паўнамоцтвамі»;
- «Заведама непраўдзівы данос аб здзяйсненні злачынства»;
- «Публічныя заклікі да захопу ўлады і акту тэрарызму»;
- «Стварэнне экстрэмісцкага фармавання і кіраванне ім»;
- «Фінансаванне экстрэмісцкай дзейнасці»;
- «Паклёп і публічная абраза прэзідэнта Беларусі»;
- «Дыскрэдытацыя Рэспублікі Беларусь».
Таксама Генпракуратурай быў заяўлены пазоў аб пакрыцці маёмаснай шкоды на суму больш за 6000 рублёў (больш за 2200 долараў) – у інтарэсах дзяржаўнай установы «Адміністрацыя Парку высокіх тэхналогіяў».
Алена Рувіна belsat.eu
