Прэзідэнт Польшчы Анджэй Дуда падчас саміту NATO ў Вільні заявіў пра неабходнасць адмысловай дыскусіі адносна Беларусі. Гэтак ён адказаў на пытанне карэспандэнта «Белсату» Сяргея Пелясы.
Неабходнасць абмеркаваць беларускае пытанне выкліканая планамі размясціць у Беларусі ядравую зброю і наймітаў ПВК Вагнэра з Расеі.
«Гэта разам змяняе архітэктуры бяспекі ў непасрэдным суседстве NATO, і гэта патрабуе дыскусіі і рашэння з боку NATO», – сказаў Анджэй Дуда.
Адказваючы на пытанне журналіста Аляксандра Папко, ён адзначыў, што запрашэнне абранай прэзідэнткі Беларусі Святланы Ціханоўскай на афіцыйную частку саміту – ясны знак, што краіны NATO хочуць вольнай і незалежнай Беларусі і падтрымліваюць беларускае грамадства на гэтым шляху.
Якуб Хруст belsat.eu