Высокапастаўленыя прадстаўнікі Мінабароны Расеі сцвярджаюць, што перахапіць ракеты «Кінжал» зенітным комплексам «Patriot» немагчыма, піша ТАСС. Раней факт збіцця расейскай ракеты пацвердзілі ў Кіеве і Пентагоне.
Камандуючы паветранымі сіламі Украіны Мікалай Алешчук 6 траўня пацвердзіў, што над Кіевам 4 траўня збілі расейскую гіпергукавую ракету «Кінжал». Да гэтага часу ракета лічылася неперахапляльнай. Гэты факт пацвердзілі і ў Пентагоне.
Але нягледзячы на гэтую інфармацыю, расейцы адмаўляюць магчымасць перахопу і сцвярджаюць адваротнае. Прадстаўнікі Мінабароны РФ працягваюць пераконваць, што перахапіць «Кінжал» зенітным ракетным комплексам «Patriot» нельга.
«Укід аб тым, што нібыта быў перахоплены «Кінжал», – спроба выдаць уяўнае за сапраўднае», – заявілі ў Мінабароны Расеі.
Раней пра тое, што расейскую ракету немагчыма збіць сцвярджалі Уладзімір Пуцін і міністр абароны РФ Сяргей Шайгу. Украінцы паказалі, што расейская суперзброя насамрэч такой не з’яўляецца.
Алена Аляксандрава belsat.eu