Паводле версіі выдання «Financial Times», асобаю 2022 года стаўся прэзідэнт Украіны Уладзімір Зяленскі.
44-гадовы прэзідэнт Украіны «ўвайшоў у гісторыю дзякуючы сваім выбітным лідарскім якасцям і сіле духу». Выданне «Financial Times» прысвяціла артыкул лідару Украіны і назвала яго Асобаю года.
«Зяленскі стаў увасабленнем мужнасці і стойкасці народу Украіны», – піша газета.
Выданне нагадвае, што ў пачатку расейскай агрэсіі супраць Украіны прэзідэнт пастанавіў застацца ў Кіеве. Пры гэтым на ягонай эвакуацыі настойвалі нават ЗША.
«Financial Times» ахарактарызавала Уладзіміра Зяленскага як носьбіта дэмакратыі ў барацьбе з аўтарытарызмам. Поўная супрацьлегласць Зяленскага – прэзідэнт Расеі Уладзімір Пуцін. Апошні імкнецца адрадзіць імперыю і гатовы ахвяраваць жыццямі сотняў тысячаў чалавек.
Алена Аляксандрава belsat.eu
