Расейскі прэм’ер-міністр распавёў пра гэта падчас свайго візіту ў Беларусь, перадае БелТА.
Міхаіл Мішусцін заявіў, што Беларусь і Расея дамовіліся наконт коштаў на энерганосьбіты. Аднак падрабязнасцяў не раскрыў.
«Хацеў бы павітаць рашэнні, якія сёння былі прынятыя па нашых узаемным пытаннях, звязаных з аплатай энерганосьбітаў. Мы дасягнулі з вамі ўсіх дамоўленасцяў», – адзначыў Міхаіл Мішусцін.
Нагадаем, што ў снежні 2019 году Беларусь і Расея не здолелі дамовіцца наконт коштаў на газ і нафту. Тагачасны расейскі прэмʼер Дзмітрый Мядзведзеў паведаміў, што калі Беларусь хоча купляць энерганосьбіты па ранейшых коштах, то мусіць працягнуць інтэграцыю з Расеяй. Перамовы расейскага ўраду з беларускім сталі прычынаю пратэстаў.
Кандыдатка на прэзідэнта Беларусі Святлана Ціханоўская ў сваім Telegram-канале выказала пазіцыю наконт перамоваў з Расейскай Федэрацыяй.
«Я заўсёды гаварыла і паўтараю, што суверэнітэт не можа быць прадметам перамоў або гандлю. Я сумняваюся, што любыя рашэнні і дамовы, якія могуць быць падпісаны Лукашэнкам, будуць прызнаныя новым урадам. Прычына гэтага вядомая: народ адмовіў Лукашэнку ў даверы».
КТ belsat.eu